Wednesday, May 16, 2007

Мэдээлэл

Дараах зарыг cmox.org сайтаас татаж тавьлаа. Монгол улсын хөгжлийн төлөө өөрийн бодож санаж явдаг зүйлсээ олонд танилцуулах сайхан боломж нээгдсэн байна. Өргөнөөр оролцоно уу.

Эрхэм хүндэт оюутан залуусаа…


СМОХ/Солонгос дахь Монгол Оюутны холбоо/-ны зүгээс Дэлхийн өнцөг булан бүрт ажиллаж, амьдарч, суралцаж буй Монгол залуучуудынхаа дунд “Монгол улсын хөгжлийн төлөө Хилийн чанадад сурч буй миний хэлэх үг” гэсэн сэдвийн дор шилдэг Эссений уралдаан зарлаж байна. Уг Эссе бичлэгийн гол зорилго нь Гадаадад суралцагч нийт оюутан залуусынхаа Эх оронч сэтгэлгээг төлөвшүүлэх, эх ороныхоо хөгжлийн төлөө санаа тавьж буй тэдний дуу хоолойг олон нийтэд сонсгож Монголын хөгжилд хувь нэмэрээ оруулахад оршино.

Шилдэг Эссег шалгаруулах тэнцүүр:
1.Эссений агуулга нь зардасан сэдвийн хүрээнд байх
2.Бүтээлч, шинэлэг санаа гаргасан байдал
3.Бодит баримтаар баяжуулсан эсэх
4.Утга санаагаа зорилгодоо нийцүүлсэн ойлгомжтой, эмх цэгцтэй гаргасан эсэх
5.Эссений заасан хугацаа, хэмжээ, үсгийн фонд зэрэг бусад шалгуурт нийцсэн эсэх

Та бүхэн Эссегээ Microsoft Word программ дээр бичсэн байх бөгөөд үсгийн хэмжээ 11, А4 хэмжээний 2 нүүр байна.

Зохион бичлэгийг хүлээн авах хугацаа: 2007*04*01-2007*06*01ний хооронд
Уралдааны дүн гарах огноо: 2007-05-15 Мягмар гараг /Уншиж шалгаруулахад хугацаа/
Та зохион бичлэгээ доорхи хаягаар ирүүлнэ үү...


info.cmox@gmail.com

Уралдаанд шалгарсан эхний 3 байрт мөнгөн шагнал болон СМОХ-ын нэрэмжит дурсамж бичиг гардуулах болно. /1$-960вон/
1. I- байр нэг хүн. 300,000вон. Дурсгалын бичиг
2. II-байр нэг хүн. 200,000вон Дурсгалын бичиг
3. III-байр нэг хүн. 100,000вон Дурсгалын бичиг.

Ивээн тэтгэгч байгууллага: NECAS (Northeast Central Asian Solidarity)

Уг зохион бичлэгийг www.cmox.org болон www.tsahimurtuu.mn аар цахим хуудсууд болон цувралаар Монголын сонингуудаар нийтлэхээр төлөвлөж байгаа.

Оюутан залуус та бүхнийг уралдаандаа идэвхитэй оролцож өөрсдийн дуу хоолойгоо бусадтай үзэл бодлоо уралдуулна гэдэгт итгэж байна.

1 comment:

Mongolia said...

info.cmox@gmail.com

shuu

link:

http://cmox.org/forum/viewtopic.php?t=1777