Санал асуулга

Сайн үйлс бүтээлцэж буй та нартаа маш их баярлаж байгаагаа илэрхийлье.
6 сараас өмнө Н. Мөнхсайхан хүүгийн эхэд "монгол ахан дүүсийнх нь сэтгэлийн дэм" өгч чадна гэдэгтэй итгэлтэй байна. Харин бид нийтээрээ улам хичээж байгаад илүү мөнгө олж аль нэг зах дээр зогсож амьдралын хатуу хүтүүг нялхаасаа үүрч яваа жаалуудаа Хүүхдийн баяраар баярлуулж сэтгэлийн дэм өгье гэж төлөвлөж байна. Тэднийг хараад хүн болж төрсөн амьдралдаа битгий гутраасай, ирээдүйд сайн хүн болж төлөвшөөсэй гэж их хүсэх юм. Даанч тэдэнд одоогийн нөхцөл сонголт олгохгүй байна. Ядаж тэдэнд энэ удаа баярыг нь тохиолдуулан шуудай чихэр, үлээдэг бөмбөлөг ч юмуу аваад атгаад атгаад өгье л гэж хүссэн юм.


Та бүхэн Хүүхдийн баяраар хүүхдүүдийг баярлуулах саналыг зөвшөөрч байна уу? Эсвэл өөр чухал санал байна уу. Саналыг бүгдээрээ шүүж байх тул гаргаад л байх хэрэгтэй болов уу. Хэрэв энэ санал дэмжигдвэл 2 гээд зорилтоо болгоё. Мөн хүн бүр өөрийнхөө боломжийг тунгаан дэмжин оролцвол /бэлэг хямдаар олж өгөхөд туслах, тараах ажилд оролцох, хэвлэл мэдээллийн байгууллагад ажиллдаг бол мэргэжлээ ашиглах гэх мэт/ сайн байна даа.

Энэ блогоороо дамжуулж хүнээс шууд мөнгөн хандив авахгүй. Мөнгө хандивлах хүсэлтэй нь цонхоороо харж байгаад ядарсан хүн олоод өгчих /харамсалтай нь маш амархан олдоно/. Адилхан л буян болно. Эсвэл манай үйл ажиллагаанд оролцож тусламж өгөх үед өөрийн биеэр гардуулж өгч болно. Монголд болох үйл ажиллагааны зохион байгуулалтанд гар бие оролцох хүсэлтнийг хэзээд баярлан угтах болно. Yahoo Messenger, Forum, Email, Group, Blog гээд хаа дайрсан газраа сурталчилж бусдыгаа энэхүү сайн санааны үйл хэрэгт оролцох боломжийг нь олгоорой.