5 настай бяцхан хүүд тусалцгаая

Би хулгай хийхгvй бол ээж дvv нар минь хоосон хононо

Хэрэв намайг нvvрс хулгайлахгvй бол манайх хоол байхгvй хоосон хононо" хэмээн арваад насны хvvхэд ярьж зогсоно. Ямар гутамшигтай эмэгнэлтэй сонсогдоно вэ.

Монголчууд бид чинь балчир хvvхдvvдийнхээ "хурууг хєдєлгєж" амиа зогоох дээрээ тулчихсан юм гэж vv. Энэ хvvхдийн яриаг кино зохиол, эсвэл хошин vг яриа гэж уншигч та эндvvрэв. Vнэхээр энэ бол амьдрал дээр бодитоор оршиж байгаа баримт. Ийм ярьж зогсох хvvтэй уулзаж ярилцлаа. Тэрбээр Багануур дvvргийн Vйлдвэрийн хэсгийн гурван тоотод ээж, хоёр дvv, ахынхаа хамт амьдардаг.

- Миний дvv єєрийгєє танилцуулаач, яагаад нvvрсний хулгай хийх болсон юм бэ?
- Намайг Ууганаа гэдэг, одоо 14 настай. Сургуулиасаа гарчихсан. Манайх хоёр дvvгийн зургаан мянган тєгрєгнєєс єєр орлогогvй. Гэр маань вокзалын ойролцоо байдаг. Энд Улаанбаатар руу явдаг ачааны вагонууд зогсдог юм. Би дvv нартайгаа вагонуудаас нvvрс буулгаж зардаг. Ер нь би арван нэгэн настай байхаасаа вокзалаас нvvрс хулгайлж зардаг болсон. Ээж маань хvнд євчтэй болохоор ажил хийдэггvй. Тэгээд ч иргэний vнэмлэх байхгvй болохоор ажилд авахгvй.

- Нvvрс хулгайлах чинь гэмт хэрэг шvvдээ, ээж чинь зэмлэдэггvй юм уу?
- Зэмлэдэггvй, хэрвээ би єнєєдєр хулгай хийхгvй бол манайх хоосон хононо. Єдєрт дєрвєн шуудай нvvрс вагоноос буулгаад, нэг шуудайг нь 1500 тєгрєгєєр зарж байна. Ихэвчлэн Улаанбаатраас машин ирж худалдаж авч байгаа. Єдєрт 4000-6000 мянган тєгрєг олдог. Ээж хааяа надтай хамт нvvрсэнд явдаг. Хэрэв ээжтэй хамт явж байгаад цагдаа нарт баригдчихвал ээжийг зодож нvддэг. Тэгээд л ээж маань дvv бид хоёрыг явуулдаг. Энд байгаа айлуудын хvvхдvvд нь ихэвчлэн нvvрсэнд явдаг. Томчууд бараг явахаа болчихсон. Нvvрсний хамгаалалт нь сvvлийн vед чангараад, цагдаа нар нь бvр нохойтой эргvvл хийдэг болчихсон.

-Эргvvлийн цагдаад баригдаж байсан уу, ямар арга хэмжээ авдаг вэ?
-Цагдаа нарт баригдаад бороохойдуулдаг. Нэг сайн зодуулаад л сална шvv дээ / инээв/

-Бие чинь євддєг биз дээ, дахиад хулгай хийхгvй юм шvv гэж боддоггvй юм уу?
-Vгvй, насанд хvрч байгаад тэр цагдааг би зодно. Манай ээжийг олон удаа зодсон. Хариугаа заавал авна. Бас намайг сургуульд явдаг байхад дээрэлхдэг байсан бvх хvvхдvvдийг олж байгаад зодолдоно.

-Миний дvv хулгай хийгээд байхаар чинь хvvхдийн засан хvмvvжvvлэх газар явна шvv дээ, айхгvй байнауу?
-Тэр эргvvлийн цагдаа ах нар чинь єєрсдєє ч гэсэн хулгай хийдэг юм чинь.

-Яаж, юу хулгайлдаг гэж?
-Бид нар ихэвчлэн шєнє дунд нvvрс вагонаас буулгахаар очдог юм л даа. Заримдаа эргvvлийн ах нар бид нарыг барихаараа бvгдийг нь эгнvvлж зогсоож байгаад нэг нэг алгадаад дараа нь "портер" машин ухрааж вагон руу шахаж зогсоож байгаад бид нараар нvvрс ачуулдаг.

-Тэр нvvрс ачуулсан цагдаа ах нар чинь хаана ажилладаг, хэн гэдгийг нь мэдэх vv?
- Шєнє очдог болохоор сайн мэдэхгvй ээ. Манай найзуудаас асуувал бvгд нvvрс ачиж байснаа хэлнэ. Бид нар єнгєрсєн жил хоёр ч удаа тэд нарт нvvрс ачиж єгсєн. Харин энэ жилийн эргvvлийн цагдаа ах нар аймаар чанга, шууд нохойгоор биднийг хєєлгєєд, дор нь барьчихдаг. Харин уурхай дээр очиж, том нvvрснvvд ачиж єгч байгаа.

- Том нvvрс ачих гэнээ?, бас хулгайлж ачдаг юм биш биз дээ?
- Яалаа гэж дээ, уурхай дээр нvvрс ачихаар ирсэн ачааны машинуудад том нvvрсийг нь зєєж ачиж єгєєд гурван мянган тєгрєг авдаг. Манай нэг эмэгтэй найз хvртэл нvvрс ачдаг.

-Эмэгтэй найз чинь хэдэн настай юм бэ, нvvрс ачих ажил хийж дєнгєнє гэж vv?
- Манай найз одоо 14 настай, эрэгтэй хvvхдийн хувцас ємсч очоод нvvрс ачих ажил хийдэг. Тэгэхгvй бол эмэгтэйг нь мэдэх юм бол ажилд авахгvй. Тэр найз маань єдрийн гурван мянган тєгрєг олдог. Хэрэв ажил хийхгvй бол тэднийх бас л хоол байхгvй.

- Олсон мєнгєєрєє юу авдаг вэ?
- Гурил, жоохон мах.

Дээрх хvv яриандаа "сургуульд суралцдаг байхад хvvхдvvд муухай хувцастай , нvvрсний vнэр vнэртдэг гээд зоддог байсан. Тэгээд сургуулиасаа гарсан. Уг нь сургуульд сурах сайхан л даа" хэмээн шvvрс алдан ярьж байлаа. Тэрбээр халуун дулаан орон гэр, хайр халамжаар дутсан нь царайнаас нь илт. Ингээд дээрх хvvгийн ээжээс цєєн хэдэн асуултад хариулт авлаа.

Тvvнээс "хvvгээрээ яагаад хууль зєрчсєн vйлдэл хийлгэдэг юм бэ?" гэсэн асуултаар яриагаа эхэллээ.
-Намайг Я. Долгор гэдэг. Одоо 46 нас хvрч байна. Сая єєрт тань яриа єгсєн хvvхэд миний дунд хvv юм байгаа юм. Сургуульд сурч байгаад гарчихсан. Одоо хоёр дvv ээжийгээ хар бор ажил хийж тэжээж байна. Нуух юм алга, вагоноос нvvрс хулгайлж гурван жил амьдарлаа. Ажил хийх гэхээр бичиг баримт байхгvй. Насны хязгаар тогтоочихсон, ажилд авахгvй юм. Хоёр хvv минь вагоноос нvvрс буулгаж зараад хоол хvнсээ залгуулж байна даа. Энэ хэсэгт амьдардаг айл єрхvvд манайхныг андахгvй. Манай энэ vйлдвэрийн хэсэгт арав гаруй айл амьдардаг. Бvгдээрээ л нvvрс хулгайлдаг. Єєрєєр амьдрах арга алга даа.

Хvvгээ хулгай хийхээр сэтгэл чинь зовдоггvй гэж vv, та єєрєє ажил хийж байсан уу. Хэдий болтол хvvгээрээ хулгай хийлгэж амьдарна гэж боддог вэ, нэг л єдєр "аав"-ын хаалга татна шvv дээ?
-Амьдрал vнэхээр хvнд байна. Энэ вокзалын нvvрсний буянаар хэдэн жил хоолтой л явсан. Бид амьдарч байгаа энэ байшинг чи хараач, нар cap гэрэлтсэн онгорхой харанхуй нvх л байгаа биз дээ. Энд євєл болохоор маш хvйтэн, гадаа сууж байгаа юм шиг. Ийм орон гэрт хоолгvй хэвтэж байгаа хvvхдvvд єєрсдєє хулгай хийхээр гардаг юм. Сургуульд суралцуулж vзсэн. Хvvхдvvд зодож нvдээд хэцvv байдаг гэсэн. Би єєрєє худалдааны байгууллагад 16 жил ажилласан. Худалдагч мэргэжилтэй.

- Vйлчлэгчийн ажил ч гэсэн олж хийгээд, хvvхдээ хулгай хийхийг нь зогсоох хэрэгтэй юм биш vv?
- Би гэрээсээ бичиг баримтаа алдчихсан. Бичиг баримтгvй хvнийг чинь хаана ажилд авах билээ дээ. Сонгуулийн vеэр vнэгvй иргэний vнэмлэх авах болсон чинь "Зєрчилтэй байна, архиваас бичиг баримт бvрдvvлж ир" гэсэн. Манайх хvvхдийн зургаан мянган тєгрєгнєєс єєр орлогогvй. Яаж Улаанбаатар орж архиваас бичиг олж ирэх билээ.

Хvvгийн ээжид гэмшсэн, хvvхдийнхээ ирээдvйд санаа зовнисон сэтгэл огтхон ч байсангvй. Тэрбээр хvvгийнхээ хулгай хийж байгаа явдал нь харин ч бор зvрхээрээ хоолоо олоод идэж байгаа " Шилийн сайн эр" гэх нь холгvй юм ярьж суулаа. Хэдийгээр монголд насанд хvрээгvй хvvхдvvдийг хєдєлмєр эрхлэхийг хориглосон хууль бий ч тєдийлєн амьдрал дээр хэрэгжээд байдаггvй бололтой. Албан бус тоогоор монголд хєдєлмєр эрхэлж буй 6000 гаруй хvvхэд бий гэсэн судалгаа байдаг. Тэнд бидэнд яриа єгсєн жаал шиг олон хvvхэд байсан. Харамсалтай нь бvгд л єнєєдрийн амьдарч буй нийгэмдээ єс хонзон санасан, юу ч хийхээс буцахгvй сэтэхvйтэй болсон нь ажиглагдаж байлаа. Нийгэмдээ єс хонзон санасан нэгэн vе "эр єсч эсгий сунадаг"-ийн vлгэрээр хэдэн жилийн дараа том эрчvvд болцгооно. Тэр vед барууны кинон дээр гардаг шиг жинхэнэ мафи vvсч, энэ л бор дvрхэн амьдралд нухлагдаж яваа хvvхдvvд хэн нэгний гap хєл болж, аллага хядлага, хар тамхины наймаа, хvн худалдаалах гэмт хэрэг жинхэнэ утгаараа цэцэглэх вий гэхээс айдас тєрнє. "Америкт нэг удаа" гэж дэлхийд алдартай нэгэн кино байдаг. Хэдэн хvvдvvд дээрэм хийж, олсон мєнгєєрєє хуримтлалын сан байгуулж, улмаар цааш хєгжсєєр мафи бий болдог. Яагаав, Нvvдлс, Макс гээд хоёр жаалын болон тэдний найз нарын амьдралыг харуулдаг хоёр ангитай кино байдаг даа. Манай сувгуудаар ч єчнєє л гарсан. Яг л тийм амьдрал эдгээр хvvхдvvдийг хvлээж байгаа юм биш биз. Энэ талаар бас бодоод vзэхэд илvvдэхгvй л болов уу.

Н.Тvвшин

Нэгэн бичлэг

Хүүд минь амьдрал хайрлаж, хүний дээд буянд сэтгэлээ өгөхийг хүсье

Энэ хорвоод хүн болж амьдрахын төлөө бяцхан биендээ баймгүй их өвчин, шаналалыг амсч, түүнтэйгээ тэмцэж яваа хүүд минь туслана уу хэмээн үрийн заяанд сүсэлдэг, элэг нэгт Монгол ахан дүүс та бүхэндээ хандаж байна. Бидний хүү Билгүүдэй 2006 оны дөрөвдүгээр сард төрж, аав ээжийнхээ нар болон мэндэлсэн юм. Харамсалтай нь, түүнийг минь дөнгөж нэг сар 23 хоногтой байх үед хэлж ирдэггүй аюулт өвчний сүүдэр дайрч, олон хүүхэд баяраа тэмдэглэж байсан зургадугаар сарын 1 –ний өдөр Сүхбаатар дүүргийн нэгдсэн 2-р эмнэлгээс тархиндаа хоёрын хоёр удаа цус харвасан тухай онош гарснаар бидний хувьд даван туулахад хүнд өдрүүд эхэлсэн юм.

Эх Нялхсын Сэхээн амьдруулах тасгийн алтан гартай эмч, сувилагч нарын хүчээр хүүд яаралтай эмчилгээ хийснээр Билгүүдэй маань одоо гурван нас, хоёр сар хүрээд байгаа боловч хэнээс ч дутахгүй цовоо сэргэлэн өсч торинож байгаа хүү маань 21 хоногт нэг удаа эмнэлэгт хэвтэн, 150 мл цус хийлгэх зэрэг байнгын бэрхшээлтэй тулгарсаар байдаг юм. Анх хүүгийн өвчний шинж тэмдэг илэрч эхлэх үед онош нь тодорхойгүй байсны зэрэгцээ зөвхөн цус хийлгэхээс өөр арга байгаагүй учир Билгүүдэйг долоон сартайд нь БНСУ-ын сайн гэсэн эмнэлгүүдэд үзүүлэхээр бид тус улсыг зорьсон юм. Бид өнгөрсөн хугацаанд хүүгийнхээ эмчилгээний зардлыг олох зорилгоор БНСУ-д ажиллаж, амьдарсан бөгөөд үүний хүчинд хүүгийнхээ өвчний оношийг тодорхойлуулж, хүний цус төлжүүлж байдаг чөмөгний ясан доторх эс гэмтэлтэй болсныг нь тогтоолголоо. Эмнэлгээс өгсөн дүгнэлтээр түүнийг тэрхүү чөмөгний эсийг сольсон үед эрүүл болно гэсэн бөгөөд энэ өвчнийг Aplastic anemia (Апластическая Анемия) ба “Цусны гүн багадалт ба нөхөн төлжүүлэх эдийн гэмтэл” хэмээн оношилсон юм.

Харамсалтай нь, хүүд таарах эсийг олох магадлал 40 хувьтай байдаг бөгөөд хүүгийн аав, ээж бид хоёрынх шинжилгээгээр хүүд маань таарахгүй болсон нь тогтоогдсон. Ингээд бид аргагүйн эрхэнд цус нэмүүлэхээс өөр эмчилгээгүй байгаа ч цус байнга хийлгэдэг болохоор хүүгийн биеийн эсэргүүцэл эрс суларч, хамрын ханиад хүрэхэд босч чадахгүйгээр халуурч, хоол идэж чадахаа больсон. Ингэж байнга цус хийлгэх нь хүний биед сөрөг нөлөөтэй бөгөөд энгийн хүн нэг удаа 150 мл цус хийлгэхэд бүтэн зургаан сарын турш хоол хүнсээр авах хэмжээний төмөр хүний биед хуримтлагдан ордог байна. Хүн үүнийгээ өөрөө гадагшлуулж чаддаггүй учир элэг, зүрх гэх мэт эрхтэнүүдэд аюул учируулаад зогсохгүй үхэлд хүргэж болзошгүй талаар эмч нар бидэнд хэлж байгаа. Тиймээс маш яаралтай таарах эсийг олж, хагалгаанд оруулахгүй бол төрсөн цагаасаа эхлэн үхлийг сөрөн амьдарсан бяцхан хүүд минь энэ удаа хамгийн хэцүү үе тулгараад байна. Билгүүдэйгийн дөнгөж төрсөн нялх дүүгээс нь саяхан шинжилгээ авсан боловч харамсалтай нь шинжилгээний хариунд дурьдсанаар дүү нь ахдаа донор болох боломжгүй болсон тухай бид саяхан сонсч, эцэс сүүлд нь бяцхан хүүгийн минь алтан амийг аврахад сайхан сэтгэлийн туслалцаа үзүүлэхийг хүсэн, ард түмэндээ хандаж байгаа юм.

Хүүд минь таарах донор олдож, цаашлаад эмчилгээний |мэс засал| зардлынхаа асуудлыг шийдэж чадвал хүний орчлонд хувь тавилангаар мэндэлсэн хайрт үр минь эргэлзээгүй хөл дээрээ босох найдвар байгаа билээ. Чөмөг шилжүүлэн суулгах мэс засалд 60 сая, мэс заслын дараах эмчилгээнд 40 орчим сая төгрөг шаардлагатай тухай

бидний холбогдсон эмнэлэгийн байгууллагууд хэлж байгаа.

Миний хүүгийн өвчин эдгэрэх найдваргүй хорт хавдар биш боловч хүүгийн эмчилгээний зардал ийн 100.000 сая төгрөг хүрч байгаа нь эгэл жирийн гэр бүл бидэнд хүндээр тусах их мөнгө юм.

Элэг нэгт ахан дүүс та бүхнийгээ хүүгийн минь алтан амийг аварч, тусламжийн гараа сунгана гэдэгт гүнээ найдаж байна. Хэрэв та бидний илгээсэн энэхүү захидлыг уншсан бол tsengel1234@yahoo.com хаягаар захидал илгээж болох юм. /Та дэлгэрэнгүй мэдээллийг http://bilgyydei.com.ne.kr сайтаас үзнэ үү/

Бидэнд тусалж, сайхан сэтгэлийн гараа сунгасан та бүхнийг хүсвэл бид хүүгийн эмчлүүлж буйг батлах бүх бичиг баримтыг танилцуулж болно. Бидний балчир үрийг өөрийн үрсийн нэгэн адил хайрлаж, хүүд минь амьдрал хайрлах хүний дээд буянд дагах та бүхэн Билгүүдэйд маань хандив өргөхийг хүсвэл Хаан Банкны 5020672814 тоот төгрөгийн, 5020672825 тоот ам. долларын дансанд хандан, хүүгийн нэрээр шилжүүлж болох юм. Бид Монгол хүний саруул ухаан бяцхан хүүг минь түшинэ гэдэгт итгэж байна. Монголын үрс маш олон болох болтугай.

Билгүүдэй хүүгийн аав Баярцэнгэл, ээж Ариунцэцэг, дүү Ануудай нараас.

СЭТГЭЛД ОРШИХ ТУСЫГ ХҮСНЭМ

Тэр жирийн л хүүхэд. Тоглоно, дуулна, инээнэ. Бас тоо бодож, зураг зурах ямар их дуртай гээч. Харин одоо бол үгүй. Түүнийг харах бүрийд сэтгэл эмзэглэнэ. Яагаад? Учир нь тэр өнөөдөр хүнд өвчний улмаас эмнэлгийн орон дээр шаналан хэвтэж байна. Түүнийг Д.Хишигт гэдэг. Одоо 13 настай. Монголд урд нь илэрч байгаагүй цусны хорт хавдарын М7 гэдэг маш хүнд хэлбэрийн өвчин туссан энэ хүүг аврах ганц найдвар нь чөмөг шилжүүлэн суулгах хагалгаа юм. Харин Япон улсад хийх уг хагалгааны зардлыг гэр бүлийнхэн нь төлж дийлэхгүй учир аргагүйн эрхэнд сайн санаат хүн танаас тусламж хүслээ.

Математикийн маш их авьяастай энэ хүү нэгдүгээр сургуульд сурдаг бөгөөд 2003-2009 онд улс, хотын чанартай математикийн 30 гаруй олимпиадад оролцож, 23 медаль, тусгай байрын шагнал хүртсэн шилдэг сурагч юм.

Ирээдүйд эх орондоо ихийг бүтээж чадах ийм нэгэн хүү эрүүл саруул болно гэсэн итгэлийг бяцхан зүрхэндээ тээж явна. Хүн хүндээ хайртай байдаг болохоор, хүнд хүнээс илүү эрдэнэ гэж үгүй болохоор Д.Хишигт хүүд туслаач гэж уриалж байна. Уншигч танд хүүгийн ээж, аавын сэтгэлийн үгийг хүргэе.

САЙН САНААТ, САЙХАН СЭТГЭЛТ ХҮМҮҮС ЭЭ. МИНИЙ ХҮҮД АМЬДРАЛ БЭЛЭГЛЭЭЧ

Бидний хүү Хишигт 13 настай. Аав, ээжийнхээ нар нь болж инээд хөөрөөр цалгиаж явсан хүү минь нэг л өдөр аймшигт өвчнөөр өвдөж, биднийг айдас түгшүүр нөмөрлөө.

Хүү минь 2009 оны 3 сард  ЭНЭШТөвийн Цусны Эмгэг Судлалын тасагт хэвтэж эмчлүүлсэн. Нарийн шинжилгээ хийлгэж онош тодруулах шаардлагатай гэж эмч нарын зөвлөсний дагуу Япон улсын “Нагоно  Кенрицу” хүүхдийн эмнэлэгт ирсэн юм. Тэгээд 2009 оны 4-р сарын 2-нд шинжилгээ хийлгэхэд цусны хорт хавдрын маш хүнд хэлбэрийн онош  тодорч, тэнгэр хөмрөх мэт болоод байна.

Хүүгийн минь биеийн байдал маш хүнд байгаа бөгөөд Монголд эмчлэх боломжгүй ясны чөмөг солих эмчилгээний зардалд 200 сая төгрөг шаардлагатай болохыг  Японы “Нагона Кенрицу”  хүүхдийн эмнэлэг бидэнд мэдэгдсэн.

“Хөөр баяраар бялхаж, сурч мэдэхийн их оргил руу тэмүүлж яваа  насандаа цусны хорт хавдраар өвчилсөн хүүгийн минь амь насыг аврахад сайн санаатай, сайхан сэтгэлтэй хүмүүс минь тусалж амьдрал хайрлаач!”  гэж Япон улсын хүүхдийн эмнэлгээс бид та бүхэнд хандаж байна.

Миний хүү 1 дүгээр дунд сургуулийн математикийн гүнзгийрүүлсэн сургалттай 7Д ангид суралцдаг. Тоо бодож, зураг зурах дуртай.

Хүү минь математикийн удаа дараагийн тэмцээн, олимпиадад 30 гаруй удаа оролцож, алт, мөнгө, хүрэл, медаль 23-ыг авч сургууль хамт олныхоо нэр хүндийг өндөрт өргөж ирсэн.

Одоо бид Японы “Нагона Кенрицу” хүүхдийн эмнэлэгт түүнийгээ сахиад, хүүгээ эрүүл саруул  болгохын төлөө сэтгэлийн хүнд бэрхийг туулж  сууна. Та бүхнийг бидэнд туслана гэдэгт гүнээ итгэж байна.

Сайхан сэтгэлт хүмүүс та бүхэнд эрүүл энхийг хүсье. Сайн үйлс бүхэн дэлгэрэх болтугай.

Хүүгийн аав Р.Доржсүрэн, ээж С.Жавзандулам

УБ ХОТ ХААН БАНК, ЗҮҮН 4-Н ЗАМ САЛБАР:

ХАНДИВЫН ДАНСНЫ ДУГААР: 575 335 615-8 /Төгрөгийн данс/

ХААН  БАНК- 575 335 666 8 /Долларын данс/

АНУ-д амьдардаг монголчууд CHASE  банкны 708 520 861дансанд шууд хийж болно.

 

Холбоо барих утас: 

99009110 /эгч В.Нандинцэцэг/

99842271 /эгч С.Хишигтогтох/

815 508 3232 / АНУ-д Гэрлээ/

Хvvд амьдрал бэлэглэе!

Саяхан телевизүүдээр 2 настай Билгүүн хэмээх нэгэн бяцхан өхөөрдөм хүүгийн амь нас уршигт өвчний улмаас хутганы ирэн дээр байгаа талаар гарч байсныг та магадгүй үзсэн биз ээ. Билгүүний ээж Б.Ундармаагийн ярьж байгаагаар хүүгийн өвчний онош: Aplastic anemia (Апластическая Анемия) буюу "Цусны хорт хурц гүн багадалт" юм байна. Энэхүү өвчин нь ясны хим эд үүргээ гүйцэтгэж чадахгүй байгаагаас цусны нөхөн үйлдвэрлэл зогсож, дархлааны системийг алга болгодог байна.

Эмчилгээ нь: Цусны чөмөг шилжүүлэн суулгах мэс ажилбар бөгөөд одоогоор АНУ-д энэ эмчилгээг хийлгэхэд дор хаяж 90,000 ам.доллар хэрэгтэй гэж урьдчилан тооцоолсон байна. Бид танд "алив мөнгө" гэсэн байдлаар хандаагүй юм шүү. Энд илүүдээ гарсан мөнгөтэйдөө биш сайхан санаат, сэтгэл сайтай янз бүрийн мэргэжил, мэдлэгтэй хүмүүс цуглаж хийж чадах бүхнээрээ хүнлэг үйлсийг бүтээн энэ бяцхан хүүд туслъя гэсэн сэтгэлээр тусалж, нэгдэж байгаа гэдэгт бат итгэж байна. Билгүүн өдрөөс өдөрт хоол унднаас гарч байна. Бидэнд цаг бага байна сайхан сэтгэлт Монгол ахан дүүс ээ! Алив хүн тус бүр үнэн сэтгэлээсээ туслацгаая.

Сайн санаат хүмүүс ээ, миний хүүд туслаач

Сүүлийн үед насанд хүрэгчид төдийгүй бага насны хүүхэд хорт хавдраар өвчлөх нь элбэг болжээ. Дорнод аймгийн харьяат Г.Үлэмжбилгүүн хүү зургаан настай. Тэрбээр тархины хорт хавдар гэдэг оноштойгоор клиникийн нэгдсэн гуравдугаар эмнэлэгийн мэдрэлийн мэс заслын тасагт эмчлүүлж байгаа аж. Г.Үлэмжбилгүүн хүүгийн ээж Н.Болормаатай уулзлаа.

-Танай хүүгийн өвчний зовиур хэзээнээс илэрсэн бэ. Одоо ямар эмчилгээ хийгдэж байна?
-Миний хүүд өмнө нь ямар нэг хүнд зовиур мэдрэгдэж байгаагүй. Хоёр сарын өмнөөс хөл нь гуйваад явахдаа муу болсон. Тэгээд өрхийнхөө эмнэлэгт үзүүлсэн чинь мэдрэлийн нарийн мэргэжлийн эмчид үзүүлэхийг зөвлөсөн юм. Би хүүгээ “Сонгдо” эмнэлэгийн имра оношлогооны аппаратад харуулсан чинь тархины хорт хавдар гэдэг нь оношлогдсон. Хавдар газар авсан тухай эмч нар хэлж байсаан. Энд эмчлэгдэх магадлал тааруу болохоор гадаадын улс орнуудад хандсан нь дээр гэсэн юм.
-Та нутгаасаа сонгогдсон гишүүдэд хандаж үзэв үү?
-Би саяхан П.Алтангэрэл гишүүн, Д.Батбаяр гишүүн хоёртой уулзаад ирлээ. Тэд нар чадахаараа туслана гэдгээ илэрхийлсэн.
-Одоо биеийн байдал нь ямар байгаа вэ?
-Өөрт мэдрэгдэх зовиур байдаг байх аа. Хүүхэд болохоор тэр бүр хэлэхгүй юм. Хавдар нь нугас руугаа ороход их ойрхон байна гэж эмч хэлсэн. Тиймээс 3-4 долоо хоногийн дотор хагалгаанд орох шаардлагатай байгаа. Бид бас Монголын үндэсний телевизийн “Өглөө” хөтөлбөрийн зочны цагаар орсон. Танай сайтаар дамжуулан энэ хөтөлбөрийн хамт олонд баярласнаа илэрхийлмээр байна.
-Хагалгааны төлбөрт хичнээн төгрөг хэрэгтэй байгаа вэ?
- 30 гаруй сая төгрөг хэрэг болох юм шиг байна. Тэгээд сайн санаат хүмүүсийг миний хүүд туслаач гэж хэлэх гэсэн юм. Хүүд минь амьдрал бэлэглээч гэж хүсмээр байна. Би эцэг, эхчүүдэд хандаж нэг зүйлийг хэлье. Бид ажилдаа их анхаарал тавиад хүүхэддээ тавих анхаарал сул байдаг байлаа. Хүүхдээ жилд нэг удаа нарийн мэргэжлийн эмчид үзүүлж байгаарай гэж зөвлөмөөр байна.
-Та харилцах дансаа хэлнэ үү?
-Хаан банк: төгрөгийн данс:5720535340, валютын данс:5720535341 харилцах утас: 99579789

Эрхэм уншигч та бүхэн Г.Үлэмжбилгүүн хүүд үзүүлэх тусламжаа дээрх дансанд илгээнэ үү.

Миний хүүд амьдрал хайрлаач...

Тархины хорт хавдраар өвчилсөн зургаан настай Г.Үлэмжбилгүүн хүүгийн ээж Н.Болормаа өнөөдөр хэвлэлийн бага хурал хийж, хэвлэлээр дамжуулан халуун сэтгэлт монгол ахан дүүсээсээ тусламж хүслээ.

Өвчний улмаас энэлэн шаналж буй хүүд туслахаар “М-Ти-Эс” компанийн хамт олон нэг өдрийн цалин болох 1,200,000 төгрөг хандивлах болсноо энэ үеэр дуулгасан юм. Мөн тэд “Сөүл” сүүнийхээ худалдан авалт бүрээс 50 төгрөгийг хүүгийн эмчилгээнд зориулж байгаа ажээ. Түүнчлэн хүүгийн эмчилгээний зардалд туслалцаа үзүүлэхээр хийлч Дээгий, “Номин талст” хамтлагийн дуучин Т.Дэлгэрмөрөн нар хамтран ажиллаж байгааг энэ дашрамд дуулгах нь зүйтэй байх. Тэд мөн энэхүү хэвлэлийн бага хуралд хүрэлцэн ирсэн байсан юм.

Г.Үлэмжбилгүүн хүүгийн ээж Н.Болормаатай уулзлаа. Тэрбээр хүүгээ эмчлүүлэхээр Дорнод аймгаас Улаанбаатар хотод иржээ.

-Хүүгийн тань биеийн байдал одоогоор ямар байна?

-Ерөнхийдөө өнгөрсөн нэгдүгээр сарын сүүлээр миний хүү маань сайн явж чадахгүй гуйвж дайвдаг болсон. Энэ байдлыг нь анзаарч эмчид үзүүлтэл яаралтай Улаанбаатар явж шинжилгээ өгөх хэрэгтэй гэсэн юм. Ингээд хоёрдугаар сарын 2-нд хүүгээ аваад энд ирсэн. Тэгээд “Сонгдо” эмнэлэгт тархины MRI бичлэгт ороход тархины хорт хавдартай гэсэн онош гарсан. Биеийн байдал нь өдөр ирэх тусам муудаж байна.

-Монголдоо эмчлүүлэх боломжгүй гэсэн хариу хэлсэн гэсэн. Та бүхэн санхүүгийн асуудлаа шийдчихвэл хаашаа явж эмчлүүлэх вэ?

-Монголд эмчлэх ямар ч боломж байхгүй, гадагшаа явах шаардлагатай гэсэн болохоор Өмнөд Солонгос, Сингапур, Тайландад эмчлүүлэхээр хөөцөлдөж байгаа.

-Эмчилгээний зардалд хэчнээн төгрөг хэрэгтэй байгаа вэ?

-Яг хаана эмчлүүлэх нь тодорхойгүй учраас сайн мэдэхгүй байна. Гэхдээ урьд нь Сингапурт яг ийм төрлийн хагалгаа хийлгэсэн хүнээс асуухад 30 сая орчим төгрөг болсон гэж байсан.

-Та бүхэнд туслах зорилготой хүмүүс олон байгаа гэдэгт итгэлтэй байна. Туслалцаа үзүүлэхэд хэрэг болох дансны дугаар, холбоо барих утасны дугаараа та бидэнд хэлж өгнө үү?

-Юуны өмнө хүүгийн минь эрүүл мэндийн төлөө анхлан дугарсан “М-Ти-Эс” компанийн хамт олонд баярлаж байгаагаа илэрхийлье. Та бүхэн хүүгийн минь алтан амийг авархад тусалж, сэтгэлийн дэмжлэг үзүүлэхийг хүсвэл, дараах утсаар холбоо барих юм уу, доорхи дансанд хандаж болно.

Хандивын данс: Хаан банк

Төгрөгийн данс: 5720535340

Валютын данс: 5720535341

Харилцах утас: 99579789

С.Уранчимэг