Бидний охинд тусална уу

Бидний охин Уламбаяр овогтой Анар-Эрдэнэ 2010.07.18-нд ЭНЭШТ-д төрсөн, одоо 7-н сартай. Төрсний дараа биеийн шарлалт нь буураагүй ба ЭНЭШТ-д амбульториор болон хэвтэж эмчлүүлж, цитамегала вирус (cytomegalovirus nepatitis) гэсэн онош манай эмч нар тавьж, өндөр хөгжилтэй оронд нарийн онош тодруулах шаардлагатай гэж зөвлөсөн.

Бид ярилцаж байгаад БНСУ-ын Кореа их сургуулийн “Анам” эмнэлгийг сонгож онош тодруулах зорилготой өөрсдийн зардлаас 2010.10.28-нд очсон. Тус эмнэлгийн эмч нар үзэж цөсний замын зогсонгишил (Billiary atresia) гэсэн онош тавьж даруй хагалгаанд орох шаардлагатай гэж үзсэн. 2010.11.23-нд Касай /Kasai/ хагалгаанд орж, амжилттай болсон, энэ элгээрээ 1-2 нас хүрэх боломжтой ба даруй элэг шилжүүлэн суулгах хагалгаа зайлшгүй шаардлагатай гэж үзсэн ба тус эмнэлэгт 2 сарын хугацаанд хяналтанд эмчлэгдээд 2011.01.16-нд эмчилгээ болон визний хугацаа дууссан тул буцаж ирсэн.

2011. 02.07-нд ЭНЭШТ-д дахин үзүүлэхэд хагалгаа хийсэн хэсэгт 7*10 см-ийн уйланхай үүссэн байна гээд анх хагалгаа хийсэн газартаа хандах нь зүйтэй гэж манай эмч нар зөвлөсөн юм. Бид дахин Кореа их сургуулийн “Анам” эмнэлэгт хандахад шаардлагтай гэсний дагуу 2011.02.16-нд БНСУ-ыг зорьсон ба одоо тус эмнэлэгт ээж Л.Байгалмаагийн хамт хэвтэж байна.

Солонгос эмч нарын үзэж байгаагаар яаралтай элэг шилжүүлэн суулгах хагалгаанд орох шаардлагатай, ээж нь донор болох боломжтой ба цаг хугацаа алдах тусам охины чинь амь насанд аюул учирч болзошгүй байна гэж үзэж байгаа.

Бид анх явахдаа байраа барьцаалж зээл авах, машинаа зарах, гар дээр байсан мөнгө, ах дүш, найз нарынхаа дэмээр өгсөн мөнгө зэргийг цуглуулан эмчилгээний зардал, байр, хоол, замын зардлаа зохицуулсан ба одоо элэг шилжүүлэн суулгах, хагалгаанд орох зардлыг (зөвхөн хагалгааны зардал 120-150 сая вон) гаргах ямарч бололцоогүй болсон учраас сайн санаат сайхан сэтгэлт ард түмэн та нартаа хандаж байна. Өөдөсхөн охинд минь амьдрал бэлэглэж нас хайрлаач хүмүүсээ.

У.Анар-Эрдэнийн аав Б.Уламбаяр, ээж Л.Байгалмаа
Утас: 99157817, 88600880
Хандивын данс: У.Анар-Эрдэнэ
ХХБ 404201609 /Валютын/
ХХБ 404201608 /Төгрөгийн/
ХААН банк 503134618 -5 /Төгрөгийн

10-хан настай Б.Энх-Орчлон охинд тусалцгаая!

Миний охин Б.Энх-Орчлон маш ховор тохиолддог "Цусны хорт дутмагшил" буюу "Апластическая анемия" хэмээх аймшигт өвчнөөр өвчилж, ЭНЭШТ-ийн "Цусны эмгэг судлалын тасаг"-т хэвтэж байна. Энэ өвчин Монголд ердөө 2 дахь удаагаа бүртгэгдэж байгаа нь энэ. Охины минь биеийн байдал маш хүнд, өдрөөс өдөрт улам муудаж, өвдөж, тарчилж байгааг нь харахад элэг минь эмтэрч, зүрх минь зүсэгдэх юм. Миний охин одоо 10-хан настай.
Эрүүл саруул, сэргэлэн цовоо өсч торниж байсан цэцэг цэврүү шиг охин үр минь одоо босох ч тэнхэлгүй, өвчиндөө шаналж, арай ядан өдөр хоногийг өнгөрүүлж байгаа ч "Би удахгүй эдгэрч, эмнэлгээс гараад хичээлдээ явж, найзуудтайгаа тоглоно. Тэнгист гоё кино үзнэ. Зөндөө их шинэ хувцасны загварууд зурна" гэж үргэлж ярих юм.
Амь насанд нь аюул ойрхон байгааг бяцхан үр минь даанч мэдэхгүй.
Миний охины хамраас цус гарахад хагас метр шахуу бинт хамар руу нь чихэж, нарийн шинжилгээ авахын тулд сүүжний яс руу нь хатгаж чөмөгнөөс нь дээж авах үед тэсэхийн аргагүй өвдсөндөө "Ээжээ! Намайг авраач ээ!" гэж хамаг чадлаараа хашгирахыг нь хаалганы цаанаас сонсоод "Тэсээрэй, миний охин. Ээж нь охинтойгоо хамт байгаа. Охиныхоо өмнөөс өвдөхсөн" гэж уйлж суухаас өөр зүйл хийж чаддаггүй...
Энэ аймшигт өвчин шаналал бусдад хэзээ ч бүү тохиолдоосой.
Охины минь өвчин Монголд эмчлэгдэх боломжгүй, гадаадад яаралтай явж "ясны чөмөг шилжүүлэн суулгах" шаардлагатай гэсэн эмнэлэгийн дүгнэлт гарсан.
Бид БНХАУ-н Бээжин хотын цэргийн эмнэлэгтэй холбоо тогтоож, охиныхоо шинжилгээний хариуг явуулахад, уг эмнэлгээс ясны чөмөг шилжүүлэн суулгах боломжтой, эдгэрэх магадлал 96 хувь байна гэсэн хариу ирсэн.
Охины минь эмчилгээнд ойролцоогоор 100 сая орчим төгрөг шаардлагатай байгаа бөгөөд бид бие даан энэ зардлыг бүрдүүлэхэд маш хүнд байна.
Элэг нэгт Монголчууд минь халуун сэтгэлийн харамгүй тусаа үзүүлж, бяцхан охинд минь амьдрал хайрлаач!
Ээж: З. Алтанцэцэг
Холбоо барих утас: 8815-4145, 9908-6624
Хандивын данс: Хаан банк, Б. Энх - Орчлон 5022696266
Та 155-154 дугаарт А үсгийг мессежээр илгээж хандив өргөнө үү. (Мобиком, Юнител, Скайтел, Жи Мобайлын сүлжээнүүдээс)

Сүүн цагаан сайхан сэтгэлт хүмүүсээс эх хүн хүүдээ туслалцаа хүсэх учир нь

Бидний хүү Хэнмэдэхийн Ганбат 2005 онд зүрхний төрөлхийн хүнд гажигтай төрсөн. Хүүг минь Монголын болон АНУ-аас ирсэн эмч нар зүрхний тосгуур хоорондын таславчийн цоорхойтой, зүрхний хэм алдагдалтай (цохилт нь заримдаа 300 хүрдэг) гэж оношилсон. Эдгээрээс болж зүрх нь бас томорсон юм байна. Иймээс үе үе биднийг сандарган эмнэлэгт олон удаа хэвтэж эмчлүүлэн, эмчийн байнгын хяналтанд орсоноор 2-3 төрлийн эм 5 жил дараалан өдөр бүр 6 удаа уулгаж, амь насыг нь торгоож байгаа юм. Сүүлийн үед тархины цусан хангамж нь дутагдан унадаг боллоо. Эмч нар хүүг минь Монгол улсад бүрэн эмчлэх боломжгүй, АНУ-д 2 өөр төрлийн мэс засал хийж эмчлэх боломжтой гэж үзэн тус улсын Техас мужийн Хүүхдийн зүрхний мэс заслын эмнэлэгт мэс засал хийхээр болсон. АНУ-ын сайхан сэтгэлт эмч нараас бидэнд олгосон энэ боломжийг алдмааргүй байна.

Гэтэл хүү бид хоёр болон авч явах эмчийн ирж, очих унаа, хоол, байрны зардал (эмчилгээний зардлыг тэндээс даана гэсэн)-д ойролцоогоор 11.000 доллар шаардлагатай байна. Бидэнд ийм их мөнгө байхгүй билээ. Манайх ам бүл дөрвүүл бөгөөд би ЕБС-д багшилдаг, өвөө, эмээ нь тэтгэвэрт гарсан. Иймд бидэнд өгөөмөр сэтгэл гарган мөнгөн тусламж үзүүлэхийг та бүхнээс гуйж байна.

Ганц хүүхдийг минь аюулт өвчнөөс салгаж, амь насыг нь авран нарт ертөнцөд амьдруулахад гүн туслалцаа үзүүлнэ гэдэгт итгэж хичээнгүйлэн хүссэн ээж Х.Цэнд-Аюуш.

Имэйл хаяг: tsend_mn@yahoo.comЭнэ и-мэйл хаяг спамаас хамгаалагдсан тул JavaScript тохиргоогоо нээнэ үү

Хандивын данс

Худалдаа Хөгжлийн Банк 499185921 (Валютын данс)

Name, address (Банкны нэр, хаяг)

1. CITIBANK N.A, NEWYORK, USA, SWIFT code: CITIUS33

CHIPS code: 0008, ABA number: 021000089

2. HSBC BANK USA N.A, NEW YORK, USA, SWIFT code: MRMDUS33

CHIPS code: 0108, ABA number: 021001088

3. STANDART CHARTERED BANK, NEW YORK, USA, SWIFT code: SCBLUS33 CHIPS

code: 0256, ABA number: 026002561

Туслана уу

Б.Өсөхбaярын товч танилцуулага

Батгэрэл овогтой Өсөхбаяр 11 настай. Эрэгтэй. Сүхбаатар дүүргийн 2-р сургуулийн 4-р ангид сурдаг. Аав ээж ахын хамт Улаанбаатар хотын Сүхбаатар дүүргийн 11-р хороо Рашаантын 18-2 тоотод амьдардаг.
Өвчний онош: Хавдрын хэмжээ том. 10 нугалам дамжин тархсан, нугас болон адуун сүүлний ёзооруудаа дарж шахаж нэвтлээд ургасан. Монгол улсын хэмжээнд анх удаа илэрсэн өвчний тохиолдол. Монголд эмчлэх боломжгүй. Гадаад улсад хандах шаардлагатай. Хоргүй хавдар тул бүрэн эмчлэгдэх боломжтой бөгөөд хэрэв цаг алдвал амь насанд нь аюултай болоод байгаа.
Тайланд, Өмнөд Солонгос, АНУ-ын эмнэлгүүдэд хандаад байгаа бөгөөд одоогийн байдлаар Тайланд улсад эмчлэх боломжтой гэсэн хариу ирсэн. Эмчилгээний зардал дунджаар 30,000 орчим доллар.
Хандивын данс.
Голомт банк Валютын данс: 2205024375 B.Usukhbayar Хандивын данс.
Хас банк Төгрөгийн данс: 5000355791 Б.Өсөхбаяр Хандивын данс.
Хаан банк Төгрөгийн данс: 5003642100 Б.Өсөхбаяр Хандивын данс.
Холбоо барих: Ээж Б.Цэвээнханд утас: 9984-8674



Б.Мөнхжингийн товч танилцуулага

Ховд аймгийн Жаргалант сумын 2-р дунд сургуулийн 5а ангид сурдаг. Ээж аавын хамт амьдардаг.

Өвчний байдал: Судасны хорт хавдрын улмаас 2003, 2007, 2009 онуудад Улаанбаатар хотод 3 удаа хагалгаа хийлгэсэн боловч бүрэн эмчлэгдээгүй. Энэ өвчин Монголд бүрэн эмчлэх боломжгүй. Иймд Солонгос улсад венийн судас солих хагалгаа хийлгэх шаардлагатай болоод байгаа. Эмчилгээний зардал 20,000 орчим доллар.

Хандивын данс:
Хаан банк 5862014842 B.Munkhjin Хандивын данс

Ц.Сарнай

5 настай С.Өнөболд хүүд туслацгаая

Сайн байцгаана уу, сайхан сэтгэлт монгол ахан дүүсээ.



Бидний хайртай хүү, өхөөрдөм бяцхан Өнөболд хүү маань 2005 оны 11 сарын 23-нд төрсөн, 5 настай. Одоо Улаанбаатар хотын Баянзүрх дүүргийн 22-р хороо, Баруун Алтан Өлгийд аав, ээжийн хамтаар амьдардаг.



Хүүгийн 3 жилийн өмнө авсан эрүүний гэмтэл нь буруу бороолж эдгэсэнээс болоод эрүүний хөгжил нь бүрэн зогсож, одоогоор эрүү нь 2 талдаа ам ангайлт байхгүй, хүчилж байж жоохон ангайдаг, удахгүй юм идэж чадахгүй болох аюулд ороод байгаа юмаа.



ЭНЭМШ-ий төвийн эмч нарын зөвөлгөөнөөр ороод монголд орлуулж хийх протез байхгүй учраас монголд эмчлэх боломжгүй, яаралтай гадаад руу хагалгаанд яв гэсэн шийдвэр гарсан.

Тэгээд бид солонгос улсад энэ төрлийн хагалгааг маш сайн хийдэг гэдэг утгаар нь солонгос улс руу явахаар шийдсэн юмаа.

Энэ дашрамд бидэнд сайхан сэтгэлээр хандаж, бүхий л талаар туслах гэж хичээж, хөөцөлдөж өгч байгаа Солонгос дахь эмэгтэйчүүдийн холбооны дэд тэргүүн Ч.Оюун-Эрдэнэ болон Солонгосын Олон Улсын Эрүүл Мэндийн Үйлчилгээний Төвийн ажилтан Сайнтуяа нартаа маш их баярлаж байгаагаа илэрхийлье.

Монгол ахан дүүс та бүхнийг бяцхан хүү Өнөболдыг маань эрүүл саруул болоход өөрийн боломжийн хэрээр туслан дэмжиж, энэхүү мэдээллийг цааш дамжуулан түгээж, илүү олон хүнд хүргэж өгөхийг чин сэтгэлээсээ хүсч байна.

Хандивын данс:

Хаан банк, 5075067789

Холбоо барих утас: 88960623 (Хүүгийн ээж Гантулга)

НАРТАЙ ДЭЛХИЙН НАРАН ДООР НААДАЖ ТОГЛОХ НАС ХАЙРЛА

Г.Үлэмжбилгүүн 6 настай. Дорнод аймагт амьдардаг.

Товор товор алхаад том болж байгаач, товлож ирдэггүй аюулт өвчинд томоогүй балчир хүү минь нэрвэгдээд байгааг түмэн олондоо дуулгаж дэмжлэг хүсэж байна. 6 настай Г.Үлэмжбилгүүн тархины хорт хавдар тусаж Монголд эмчилгээгүй учир гадаад мэс засал хийлгэх шаардлагатай байгаа тул та бүхэн минь туслаач. Монгол түмнийхээ тусыг миний хүү бүү мартаг.

Хандивын данс
Хаан банк төгрөгийн данс: 5720535340
Валютын данс: 5720535351$
Холбоо барих утас: 99579789, 99153939.

Том болоорой Удвал

“Үндэсний өгөх өдөр”-ийн хүрээнд арваннэгдүгээр сарын 1-нд нэг нас есөн сартай их бие, мөчдийн булчингийн хатангиршил гэх ховор өвчний оноштой Э.Удвал охинд туслахаар хандивын арга хэмжээг зохион байгуулж эхлээд байгаа юм. Энэ буяны үйлсэд рок попынхон төдийгүй албан байгууллага, хошин урлагийнхан нэгдэж байгаа аж. Энэ талаараа өнөөдөр сэтгүүлчдэд мэдээлэл хийлээ. Хэвлэлийн хуралд хандивын тоглолтыг зохион байгуулж буй “Up Music Production”-ы захирал гавьяат жүжигчин, “Харанга” хамтлагийн хөгжимчин Ц.Чулуунбат, “Помогите нам-2” киноны продюсер, жүжигчин Ц.Батхуяг буюу Амбий, “Wisdom Production”-ы ерөнхий продюсер А.Уянга, “Амин шийдэл” PR, маркетингийн агентлагийн захирал Б.Баярсайхан, “Until Production”-ы захирал О.Болдсайхан, дуучин Р.Номин-Эрдэнэ нар “Өгөх өдөр”-ийн хүрээнд болох урлаг соёлын болон бусад арга хэмжээний талаарх дэлгэрэнгүй мэдээллийг өглөө.

“Өгөх өдөр хөдөлгөөн” төрийн бус байгууллага нь жил бүрийн арваннэгдүгээр сарын 1-ныг Монгол үндэстнээрээ бие бие дээ тусалж, талархаж, урам зориг, сэтгэлийн хандив, хариу нэхэхгүй бие биедээ тусалж байхын тулд “Өгөх өдөр” болгон жил бүр тэмдэглэж байхаар болжээ. Энэ өдрийн хүрээнд хийж буй тэдний эхний ажил нь бүх бие, мөчидийн булчингийн хатангиршил өвчнөөр шаналж буй нэг нас есөн сартай Э.Удвал охинд тусалж, эмчилгээний зардлыг нь цуглуулж өгөх гэнэ. Энэхүү арга хэмжээний хүрээнд “Өгөх өдөр хөдөлгөөн” төрийн бус байгууллага нь “Том болоорой, Удвал” нэртэй төслийг хэрэгжүүлж эхэлжээ. Э.Удвал охины эмчилгээний зардал болох 50 сая төгрөгийн цуглуулах зорилготой “Том болоорой, Удвал” төслийн хүрээнд “Up Music” продакшнтай хамтарч рок попын бүх оддын тоглолтыг ирэх сарын 1-нд “UB Palace”-ийн концертийн их танхимд хийх гэж байна. Тоглолтод “Харанга”, “A Sound”, “Sweetymotion”, “Гурван охин”, “Мотив”, “Hot Spot”хамтлаг, дуучин Б.Сарантуяа, төгөлдөр хуурч Б.Чинбат уран бүтээлчид оролцож ая дуугаа хүргэх юм. Тоглолтын бүх орлогыг Э.Удвал охины эмчилгээнд хандивлах бөгөөд мөн энэ өдөр “Помогитен нам-2 буюу Хуваарьгүй нислэг” инээдмийн уран сайхны кино “Тэнгис”, “Өргөө” кино театруудад нээлтээ хийж, эхний хоёр өдрийхөө орлогыг хандивлахаар болжээ.

Бүх оддын “Том болоорой, Удвал” тоглолтын талаар “Харанга” хамтлагийн хөгжимчин Ц.Чулуунбат хэлэхдээ “Манай монголчууд нэг нэгэндээ өгч сурсан хүмүүс, өөрөө хоосон байж хажуу дахь хүндээ байгаа бүхнээ өгчихөөд инээгээд явж байдаг.. Тиймээс энэ “Өгөх өдөр”-ийг хийх гэж байгаад миний хувьд их баярлаж байна. Манай рок попынхон энэ хөдөлгөөнд нэгдэж хандивын тоглолт хийх юм. Тоглолтын тайз гэрэл гээд бүх зүйл нь гэрэл гэгээтэй байх болно.. Тоглолтын тасалбарын хувьд 9999 төгрөг байгаа. Бүх орлогыг Э.Удвал охины эмчилгээний зардалд хандивлана. Э.Удвал охин нь БНСУ-ын Ионсей Их сургуулийн эмнэлэгт хандаж, эмчилгээ хийлгэх боломжтой байгаа. Тиймээс эмчилгээний 50 сая төгрөг маш яаралтай хэрэгтэй байгаа юм. Э.Удвал охин маань ирэх сарын 4-нд БНСУ руу явах учир бидэнд цаг маш бага байна. Тиймээс энэ жаахан охинд туслах чин хүсэлтэй хүмүүс манай хандивын данс болон явуулын хайрцганд хандиваа өргөөрэй гэж хэлье” гэв.

Мөн “Том болоорой, Удвал” төслийн хүрээнд “Өгөх өдөр” буюу арваннэгдүгээр сарын 1-нд “Хүн бүр 500 төгрөг” нэрэн дор хотоор 24 ширхэг явуулын хайрцаг явуулах гэнэ. Энэ нь Э.Удвал охинд туслахыг хүссэн хувь хүн бүр 500 төгрөг өгөх боломжтой байгаа. Эсвэл 150428 гэх дугаарт бүх үүрэн операторуудын хэрэглэчид “ok” гэх мессеж илгээж болно.

“Том болоорой, Удвал” төсөлд хандив өргөх данс:

“Өгөх өдөр хөдөлгөөн” төрийн бус байгууллага
Голомт банк 1605010007
Хаан банк 5003604174
Худалдаа хөгжлийн банк 499180209

М.Дөл